المساعد الشخصي الرقمي

مشاهدة النسخة كاملة : قصيدة/الشاعر فارس مفحم الميزاني/بعنوان الصاحب الي مكسب في معروف


خالد فارس الميزاني
13 - 02 - 09, 04:19 PM
البارحه جاني عن النوم صادوف= متعمسن نومي وفي اختلافي


من عقب جيت امعرجً النير مصدوف= امسيت في قلبي بلا ورتجافي


الصاحب الي ماكسب في معروف= جيته و بيلي شوار العيافي


قصده يبا وقعي على جملة احروف= حتى يثبت حجتي وعترافي


مدري سمع فيه حكى كل ملقوف= صدق هروج اهل العقول الظعافي


مدري هدفله عقب ماجيت هادوف= ماجازله شوفي وجاه انحرافي


صديت عنه وصار لدمع ناطوف= ولديت فيه ودقراً الاشافي


وشاورت قلبي يترك الزين بالكوف= وعيا وعيا ثم صابه اشعافي


وقفيت من عنده من الغيض ماشوف= كني بغدراً وصطها النور طافي


عليه قلبي صابني فيه راجوف = رجف الصواقع فاسحاب المقافي


وجدي عليها وجد من طاح فالخوف = ماله رفيق ولا صديقً يشافي


ساقه كسير ولاحقه كل ماحوف= يسفى عليه من الهيافي سوافي


والله لالاي اخذ من الشعر قاطوف= ولعب بقافاً لظمائر مطافي


لقنب قنيب الي مسك فيه خاطوف= يقنب وفخه ماسكه بالخفافي


على الذ ي يفرق عن البيض بوصوف = سبحان رباً خالقه خلق كافي


الطول كامل لين العود غريوف= مصبوب مابه ميلة وانعطافي


ولبطن ضامر غادياً صدر وردوف= فوقه رديفاً يبهته من خلافي


يردم عليه القرن طوفاً ورى طوف= يا مال مايضفي عليه الحافي


والعين عين الي على الكف شاحوف= عدل المناكب كامل الشبر وافي


اشقر بلونه لبرق الريش ذاعوف= حراً على جول الحباري اذعافي


والعنق عنق الي تذير من الشوف = قاد الجوازي عقب وكداً وشافي


والخد نواراً من الوبل مصيوف = غب المطر مزهن مع الصبح صافي


دمه خفيف وناحل الوصط ملهوف = ولموت ساكن فالثمان الرهافي


حبه بقلبي نابتً داخل الجوف = نبت الغصون الي سقتها الريافي

عز الله انه لافني بالهوى لوف = لف الهبايب للجريد الخفافي


يابو محمد وصله علم بزروف = وجيب الردود وجود السر خافي


من خوف يدريبه من الناس زاهوف= يكتب علينا حجته ياسنافي


انته رفيق وتفهم العلم عاروف = تدخل وتظهر بالعلوم النظافي


وغير الخطاب و جيبته مانت ماكلوف= ماني مكلفكم وراه اكتلافي

نواف ابويديه
13 - 02 - 09, 04:33 PM
صح لسان ابوعزيز وسلمت يمناك ابوعبدالعزيز وفقك الله

جساس الميزاني
14 - 02 - 09, 12:01 AM
صح السان الوالد اطال الله في عمره