الجادل

[عبدالله نوار]

الجادل اللي عليها عشرتي هانت= تبشر بفرقاي يابندر ومن بكره
ماني بقايل وراها ليه مالانت=من عادتي متبع المقفي واقص اثره
فرصه وحانت ولاودي إنهاحانت=لكن مالي عذرلاهانت العشره
ماعادفيني صبر والخافيه بانت=والطيب اللي ياخذمن غاطته عبره
ماعادتفرق معاي إن زانت اوشانت=مادام هذا اول الطريق بختصره
وشلي اوش للوجع خانت وماخانت=والآدمي فالأخير نهايته حفره
ومع كل هذاماأنكرإنها كانت= الغاليه والحبيبه بس على فكره
اللي مخليني اندم بعد ماخانت= إني مخزنها في جوالي الضفره


ورد علي خالي بندر بن مطر الحلاج




قصيدتك جات مليانه ولافانت= ياحي هاك الكلام وحي هالنبره
فزيت لك من غلاوالكايده هانت=واعطيتك الرد لاتزعل ولاتشره
ياكم ناس ن من اسباب الزمن عانت =الحض منحوس والاوضاع منحدره
وإن كانك ادنتها والبنت مادانت= ولاصار عندك خطا لويازن الابره
غقطع علاقتك معها قد ماكانت=ولاتقول قلبي من الفرقاقضى صبره
مدامهافوق قطع مواصلك مانت=راع الخطاوالردى ماينقبل عذره
وإن كانهاللغلاوالحب ماصانت= الحر دايم مواقيعه على وكره
دنياك هذي تزين ايام ثم شانت=تشوف مايفرحك واتشوف ماتكره
هذاكلامي وكل السالفه بانت=وتراي عندي من اضروف الزمن خبره

[ذيب الروسان]

صــح ألـسـنـتـهـم ويسـلـم من نقلهـا
وتقبل مروري

[سلطان القحم]

صح لسانك ياعبدالله وصح لسان الشاعر بندر الحلاج ..

وتسلم يمنيك على النقل ..

تقبل مروري ..

سلطان الميزاني.

[متعب بن مدلج]

صح لسانك............

[ابو سطام]

صح لسانك ياالشاعر عبداللة الميزاني لاكن لي ملاحظة بسيطة على الاسم لان الشاعر عبدللة الميزاني اسوار الذهب فلوتميز اسمك يكون افضل وانت شاعر وكفو اخوك:z040: خلف عؤيدبن صلال

[محمد ماجد الميزاني]

صحت السنتكم ياشعار تشكرون على نقل المساجله حقيقة تحياتي لكم

[عبدالله العوني]

صح لسانك ياعبدالله نوار وصح لسان خالك بندر


وتقبل مروري وودي