يحتوي هذا الموضوع على ملف صوتي
هذا أبن الذيب خربها مع وحده من آل سعود ...بس الله يعين خشمه






ياعبدالله ابن غراب والجود في الماجود=وأنا في فرنسا ويش أخلي وويش أرجي ؟




أنا رحت فيها عند وحده من آل سعود=ورجالها من ربع عدنان خاشقجي




عفيفه عفيفه مالحقها ولا منقود=عليها السلام وحورها النعّس الغنجي




لها بيت في جده وسواقها محمود=على موترن ماهوب كدلك ولا هو ابجي




مع إسطابه الخلفي سطابين والا زود=وهو في النعيريه يسفر على الخفجي




تقل مهرتن من خيل راكان أو ((صاهود))=أبعنها بالسرج والا بلا سرجي



رقت برج ليفل واجتمع من عليها النود=ورحب بها البراق والمزن والثلجي




لو إنها تقول البرج برجي بدون شهود=تهاوا لها البرج وتهاووا هل البرجي




ياحكام نجد أنا بوجه المليك العود=ويالله من جاني فلا غيره المنجي




لو إنها من العجمان ماهي من آل سعود=وهي بالحلا ذا كان زليت بالهرجي




وياخشمي عليك اللوم من شمة البارود=ماينهاك عن دوس الحما وضعك الحرجي


أستمع للقصيدة صوت (http://alsh3r.com/downloads/dl_bts/1197942631.amr)
أبن مصاول

يعطيك الف عافية اخوي ابن مصاول

يعطيك العافية ابن مصاول

ابن الذيب

شاعر زاحف على الباب
هههههههههههههههه

بس تبى الحق والله شاعر

بكل ماتحتويه الكلمه

اخواني وائل وابو طلال أشكر لكم مروركم وتعليقكم...وابن الذيب زاحف من جد

مشكور اخوي أبن مصاااااول

تحيااااااااااااااااااتي لكـ

شاعر زاحف نعم

شعره طريف في معظمه وهذا مايجلب محبة الجماهير وشعبيته الكبيرة


اما قوة شعره فأنا لاأتفق معكم فمستوى شعره ليس قوي ولايضعه بين الشعراء الكبار .


لكن احب استمع لاشعاره لما فيها من طرافة وجمال وبساطة لكن ليست من الشعر المحكم والعميق .

مشكور اخوي أبن مصاااااول

تحيااااااااااااااااااتي لكـ

لا شكر على واجب وسرني مرورك

أبن مصاول

شاعر زاحف نعم

شعره طريف في معظمه وهذا مايجلب محبة الجماهير وشعبيته الكبيرة


اما قوة شعره فأنا لاأتفق معكم فمستوى شعره ليس قوي ولايضعه بين الشعراء الكبار .


لكن احب استمع لاشعاره لما فيها من طرافة وجمال وبساطة لكن ليست من الشعر المحكم والعميق .

حياك يا سالم وأشكر لك تعقيبك ونعم أبن الذيب ليس في شعره عمق ويبتعد كثيراً عن الرمزيه فشعره مباشر في اكثره ....
ولكنه يتلاعب بالكلمة وله حضور جميل ولكنه ليس بذي الشعر القوي وهذه لا تخفى على متذوقي الشعر..

أبن مصاول

هو فيه احد ما خربها معه أبن خر الذيب؟؟؟

ما اواطن هذا الشاعر...واكرهه ولايمكن اسمع قصايده..حتى لوكانت....؟

والله من الهاايط


يعطيك العافيه

نشكر كل من مر وعلق ولولا أختلاف الأذواق لبارت السلع

مستوى الشاعر وتصويره متوسط ولايتعمق لأنه لايملك المقدرة وبعض تصويراته تضحك على قلة خبرته فيها لكن الشاعر طريف ويعجبك انه يأتي بأشياء وابيات وتراكيب غير متوقعة يعني ذيب على اسمه

اما ابوه الله يرحمه الرجل الطيب الشهم خر الذيب الذي وصل صيت شهامته وطيبه الى الآفاق ولازال ذكره يتردد وابوه صاحب الابيات الشهيرة ( اشرب الفنجال واكب البياله = طيبا واحب سلم الطيبين )

خر الذيب هو اسم عائلته غيرها الى الذيب .

مرحباً أخوي سالم وقد شرفني مرورك وتعليقك وقد تطرقنا لخر الذيب تحت هذا الرابط من قبل

http://www.almizany.com/showthread.php?p=1877#post1877

واما أبن خر الذيب (محمد) فهو يعتبر من صعاليك الشعراء في هذا الزمن و وصفه فيه تعدي كثيراً ويمكن يوصله الى الأشراك بالله...

ومن وصوفه الغير موفقه: انه وصف مؤخرة الجمس بردوف بنت وهذا بعيداً عن التشبيه الصحيح وسقطة كبيره....

مثل من يصف مقدمةالـــVXR بوجه ملحاً دوسريه!!!! يخرب بيتك!!! أسأت للناقة وأساءت للـــVXR


أبن مصاول

مرحباً أخوي سالم وقد شرفني مرورك وتعليقك وقد تطرقنا لخر الذيب تحت هذا الرابط من قبل

http://www.almizany.com/showthread.php?p=1877#post1877

واما أبن خر الذيب (محمد) فهو يعتبر من صعاليك الشعراء في هذا الزمن و وصفه فيه تعدي كثيراً ويمكن يوصله الى الأشراك بالله...

ومن وصوفه الغير موفقه: انه وصف مؤخرة الجمس بردوف بنت وهذا بعيداً عن التشبيه الصحيح وسقطة كبيره....

مثل من يصف مقدمةالـــVXR بوجه ملحاً دوسريه!!!! يخرب بيتك!!! أسأت للناقة وأساءت للـــVXR


أبن مصاول


عسى الله يجيب مطر ياابو ضيف الله .

الرياض اليوم مطر وجوا على كيفك .



نعود لابن الذيب و من اكثر سقطات الذيب في الوصف يوم يقول يصف الجمس :

مساحتينه تشبه عجوزا كثيراتا دعاويها .

الحين مالفت نظر ابن الذيب غير المساحات هذا وصف مضحك وطريف ويسقط من قيمة الموصوف وبعيدا جدا عن الخيال الخصب .

ايضا مثل قوله :

البورش اصغر عياله والبنياتي .






اوصاف اخرى كثيرة لاتدل على شاعر متمكن ابدا .

لكنه شاعر طريف تحب تتسلى باشعاره وطريقة تركيبه لابيات طريفة وصف الكلمات .

الله لا يبلانا يارب

مشكور

عبدالوهاب المطيري