يلعبي الهاجوس

[برق الوسم]

ياشوق خذني وأحتضني عن الليـأس=ابي دفاء حضنك عن اللياس ياشوق
ياشوق انا مع يأس الاحساس محتاس=عندك خبر باادنى خبر يحرق الموق
ياشـوق تكفـى لاتسمـع للانجـاس=أحذر يجي في سكة الوصل مطفـوق
مد الغلا ياشوق ياعـذب الاجنـاس=وأظف الحنان اللي عن الناس مفروق
ضم الحزين اللي عليه الزمـن داس=ضمة حنان وعطف ياشوق برفـوق
خل الجدايل مع حنانك لـي البـاس=مايقنع المشتـاق موعـد ومنطـوق
بين الزمن والياس ياكثـر الاتعـاس=في غيبتك عانيـت يااعـز مخلـوق
امشي على كيف الهواجيس بالـراس=يلعبي الهاجوس مـع كـل طـاروق
مـره يوردنـي مواريـد الافـلاس=ومره يقول العهـد بيديـك موثـوق
ومره على ماقيل ياظبـي الاطعـاس=كم راح قبلي من ضحيتك معشـوق
ومره اهد النفـس واقـول وسـواس=يمكن طغى حبك وانا صرت مافـوق
هاذي خوافي مهجتي لك عن النـاس=صورتها في منتهى الفـن والـذوق


مع كل الحب للجميع
برق الوســــــــــــــــم

[سلطان القحم]

صح لسانك وتسلم يمينك..
تقبل مروري اخوك ..
سلطان الميزاني..

[برق الوسم]

الميزاني

شكرا لك على المرور لاهنت

تحياتي برق الوسم

[بن سحمان]

امشي على كيف الهواجيس بالـراس
يلعبي الهاجوس مـع كـل طـاروق
مـره يوردنـي مواريـد الافـلاس
ومره يقول العهـد بيديـك موثـوق

دائمـــًا أنت مبــدع أخــي برق الوسم قصــيدة جـزله من شاعر جزل

تقبل تحياتي / بن سحمان

[أبن مصاول]

قمة الإبداع ولا يسعني إلا الوقوف إحتراماً لهذه الدرة الرائعه ...........

نعم هذا الشعر ولا بلاش بيض الله وجهك اخي برق الوسم فقد أرتقت قصيدتك هذه الى ذائقتنا ورقتها الى مصاف الشعر الجميل الذي أفتقدناه منذ زمن......

شاعر مبدع وأبصم لك بالعشره

أخوك ابن مصاول : روح يا شيخ لا فض فوك

ملاحظه للإداره أرجو طلباً لا امرا تغيير مسمى برق الوسم من عضو جديد الى شاعر فهكذا نعطي الشعراء حقهم من امثال برق الوسم

[عبدالمجيد الظويفري]

صح لساانك يابرق الوسم
وابن مصاول كفى ووفى ماعاد فية كلام الا وقالة
وانت تستاهل أكثر
وأرجو من الإدارة النظر في ملاحظة ابن مصاول

[برق الوسم]

ابن سحمان
مشكور لاهنت على المرور تقبل كل الوووووووووووود

تحياااتي برق الوســـــــــــــــــــــــــــــم

[برق الوسم]

بن مصاول

تسلم اخوووي لاهنت على المرور
والا طراء لاخلا ولاعدم اتمنى اعجاب الجميع

تقبل كل الووووود برق الوســــــــــــــــــــــــــــــــم

[برق الوسم]

فياض الطيب


مشكور لاهنت اخووي شاكر ومقدر لك حسن المرور

تقبل كل التحايااااا برق الوســـــــــــــــــــــــــــــــــــــــــم

[ابو سعران المريخي]

يعطيك العافيه يا برق على القصيده

[برق الوسم]

لاهنت ابو سعرااان

على المرور مشكور يالغالي

تقبل تحياااتي برق الوسم