المساعد الشخصي الرقمي

مشاهدة النسخة كاملة : \\\\شاعر المدالجة والشاعر وديد العتيبي (فرخ بازي)////


أبن مصاول
10 - 01 - 08, 07:55 PM
http://cubtan111.jeeran.com/dhaifallah%20the%20capital.jpg
صورة مرسومة تحاكي الأصل

أرسل أحد أصحاب الشاعر(وهو وديد بن شديد السليس) قصيدة لشاعر المدالجه ضيف الله بن زراق بن مدلج يشكو له حاله مع من يحب ويشير بأن محبوبته ربما تكون عونيه!!! فقال:


الله من قلبٍ من الهم قازي = واليا أستهم القلب سهرت عيونه
كن الفؤاد مولعاً فيه قازي = يا عارفين الود لا تحرقونه
قام يتصرم صرم كوب القزازي = في يد غشيم ما عرف له يصونه
اليا ذكرت اللي على البيض فازي = زولٍ جمال وكاملات وصوفه
مثل العنود اللي تقود الجوازي = طرادها دايم تكالح سنونه
ما ترتع إلا في الحزوم الجرازي = في ماقعٍ كل القنص ما يجونه
صيدٍ اليا منه تذير وحازي = كلٍ يبيه وحومة الموت دونه
يا راكب اللي كاملٍ بمتيازي = يولع اللي بالنظر يرمقونه
ماهمه العرق الحمر والغرازي = ولا هوب جيبٍ بالدبل يرفعونه
اليا دق سلفه ثم صك القزازي = ثم داس له بالرجل زادت جنونه
قرمٍ معه رخصه ومعه جوازي = ولا يلتفت للي يبي ينشدونه
تلفون قرمٍ للمواجيب لازي = يفرح براع الجمس وهوه زبونه
الباب ما صكه لطالع ووازي = قرمٍ وأمير وربعته يدهلونه
مهوب من اللي يجمعون البيازي = ماحصلت يمناه كلته صحونه
من ربعةٍ قصيرهم ما يهازي = بالمال ولأرواح يقفون دونه
ضيف الله الزراق راس البغازي = عطوه خطي يا نديبٍ تجونه
قل عطني خبر عن بكرتي بالنجازي = عفراً فتاة وسمها تاسمونه
تراي ماني عن خبرها بعازي = مثلي لمثلك يا فتى ترحمونه
مسند عن اللحجي ولا انخى الحجازي = أسند على اللي دينهم يقتضونه
اليوم مابه كون ولا مغازي = اللي بحيله والسبب تدركونه
أن سندت تاصل دمه والنفازي = في ماقعٍ عنه العرب يطردونه
وإن احدرت تاصل الديدبه والنوازي = يتلون براق ترادم مزونه


فرد عليه شاعر المدالجة بهذه القصيدة الرائعه وكان وديد قد تقدم به السن كثيراً فلغم له شاعر المدالجة آخر القصيدة ....وننطلق مع القصيدة إذ يقول الشاعر:


يا راكب اللي كنها فرخ بازي=منجوبة خفه وجيد ومرونه
ماهي ذلول معرضه للتحازي=ولاهيب سياره بشكل ونمونه
نوعٍ نقيته من خيار الطرازي=يصعب على أكثر ناس ما يركبونه
مادارها الشاوي مرب المعازي=ولادارها الدلال وإلا زبونه
نوعٍ عزيز ومرسلينه إعزازي=للي وصل خطه وجتنا لحونه
ونجب لنا جمسٍ جديد إنفرازي=يمتاز عن غيره بشكله ولونه
الجمس جانا من رجال لوازي=ضد الحريب وضيفهم يكرمونه
جابه وديد وفيه جملة لغازي=يشكي الهوى اللي ماضياتٍ حتونه
أنا أحسبنه عن هوى البيض عازي!=وأثره عليهن يابساتٍ شنونه!
خله يجره جر دلو الفرازي=بيد جهالٍ بليا مصونه
يوم أنقطع منه الوذم والخرازي=حوّل على جالٍ حدادٍ ركونه
والود محدٍ عنه يا وديد جازي=من عصر أبونا آدم وهم يذكرونه
وإن كان خلك مع جماله كنازي=أحرص على لاماه وأتبع ضعونه
وكانه صغير وكل خلقه مجازي=ما ينترك للي يبا يطمعونه
ولا تستمع باهل الكلام الخبازي=أسمع من اللي هرجهم يازنونه
تغانم الفرصه بكل أنتهازي=قدم الفوات وقدم غيرك يجونه
وان كان اهل راع الكلام الميازي=رضوا ترى عندي لمثلك معونه
علي أسوق إلك المهر والجهازي=وأنتم عليكم بالرضا تقنعونه
والمزرعه تبغا مطق أرتوازي=حتى ثمرها للبلد يجلبونه
وأطلب وقل يالله عليك أعتنازي=يا واحدٍ كل الملا يطلبونه

جرت احداث هذه الرديات في عام 1406هــ وقد رد عليه الشاعر في 6-6-1406 هـــ


أبن مصاول

أبن جويبر العبدلي
10 - 01 - 08, 08:37 PM
قرمٍ معـه رخصـه ومعـه جـوازي=ولا يلتفـت للـي يبـي ينشـدونـه
تلفـون قــرمٍ للمواجـيـب لازي=يفرح براع الجمس وهـوه زبونـه
البـاب مـا صكـه لطالـع ووازي=قـرمٍ وأميـر وربعتـه يدهلـونـه
مهوب من اللي يجمعـون البيـازي=ماحصلـت يمنـاه كلتـه صحونـه
من ربعـةٍ قصيرهـم مـا يهـازي=بالمـال ولأرواح يقـفـون دونــه
ضيف الله الـزراق راس البغـازي=عطـوه خطـي يـا نديـبٍ تجونـه

الله يرحمه ويسكنه فسيح جناته



يا راكب اللي كنهـا فـرخ بـازي=منجوبـة خفـه وجيـد ومـرونـه
ماهـي ذلـول معرضـه للتحـازي=ولاهيـب سيـاره بشكـل ونمونـه
نوعٍ نقيته مـن خيـار الطـرازي=يصعب على أكثر ناس ما يركبونـه
مادارها الشـاوي مـرب المعـازي=ولادارهـا الــدلال وإلا زبـونـه
نوعٍ عزيـز ومرسلينـه إعـزازي=للي وصـل خطـه وجتنـا لحونـه
ونجب لنا جمـسٍ جديـد إنفـرازي=يمتاز عن غيـره بشكلـه ولونـه
الجمس جانا مـن رجـال لـوازي=ضد الحريـب وضيفهـم يكرمونـه
جابه وديـد وفيـه جملـة لغـازي=يشكي الهوى اللي ماضياتٍ حتونـه
أنا أحسبنه عن هوى البيض عازي!=وأثره عليهـن يابسـاتٍ شنونـه!
خلـه يجـره جـر دلـو الفـرازي=بيـد جـهـالٍ بلـيـا مصـونـه
يوم أنقطع منه الـوذم والخـرازي=حـوّل علـى جـالٍ حـدادٍ ركونـه
والود محدٍ عنه يـا وديـد جـازي=من عصر أبونا آدم وهم يذكرونـه
وإن كان خلك مـع جمالـه كنـازي=أحرص على لاماه وأتبـع ضعونـه
وكانه صغير وكـل خلقـه مجـازي=مـا ينتـرك للـي يبـا يطمعونـه
ولا تستمع باهل الكـلام الخبـازي=أسمع من اللـي هرجهـم يازنونـه
تغانـم الفرصـه بكـل أنتـهـازي=قدم الفوات وقـدم غيـرك يجونـه
وان كان اهل راع الكلام الميـازي=رضوا ترى عندي لمثلـك معونـه
علي أسوق إلك المهر والجهـازي=وأنتـم عليكـم بالرضـا تقنعونـه
والمزرعه تبغـا مطـق أرتـوازي=حتـى ثمرهـا للبـلـد يجلبـونـه
وأطلب وقل يالله عليـك أعتنـازي=يـا واحـدٍ كـل المـلا يطلبـونـه أحترت مدري وش أقتبس قلت أقتبسها كلها

مالقيت تنسيق القصائد الشعريه مدري وينكم مخفينه

عندك خطاء أملائي هنا
وإن احدرت تاصل الديدبه والنوازي
المقصود الدبدبه
شكلك ماتعرف الدبدبه وسحرها اذا زمت الارض قبل بزوق الفجر ايام الربيع تشوف على بعد 300 كيلو متر

أبن مصاول
10 - 01 - 08, 08:48 PM
حياك يا أبو جزاء وأشكر لك مرورك يا غالي وانت راعي ذوق رفيع ودائم تتحفنا بمداخلاتك الرائعه....رحم الله الشاعران فقد أفضيا الى بارئهما وتركا لنا هذا الإرث الأدبي الجميل نغرف منه وننهل لنرفع ذوائقنا ....

أخوي الغالي أبن جويبر لتنسق قصيدة أطّلع على هذا الموضوع:
http://www.almizany.com/showthread.php?t=1874

أخوك أبن مصاول

أبن مصاول
12 - 01 - 08, 03:41 PM
شكلك ماتعرف الدبدبه وسحرها اذا زمت الارض قبل بزوق الفجر ايام الربيع تشوف على بعد 300 كيلو متر

يعطيك العافيه أخوي أبو جزاء بل انا اعرف الدبدبة عز المعرفه ومن لا يعرف الأرض التي يضرب بها المثل في صعوبة معرفة تضاريسها ....بل إذا أرادوا اهلنا أن يضربوا لنا مثلاً بأن الأرض غير معروفة قالوا: هالأرض دبدبه ..أي لا شجر بها ولا حجر ولا وادٍ بين....

ولكن للأمانة فقد نقلتها من الورقة هكذا كما كتبها العتيبي فهو يريدها الديدبه فلتكن الديدبه فان اهل نجد أكثرهم يسميها هكذا .....وإن أردت نسخت لك أصل القصيدة التي أرسلها وديد لكي تعرف كم هي امانتي في النقل

أبن مصاول