المساعد الشخصي الرقمي

مشاهدة النسخة كاملة : خر الذيب....الولد وإن طاب قالوا : من خواله!!!


أبن مصاول
14 - 06 - 07, 05:07 AM
الشاعر / راشد بن حسن بن مانع بن
رحيان الضاعني الملقب بــ ( ابن الذيب ) ..

وقيل انه توفي عام 1986م وهو في نجران وكان
شايل معه شخص موصله الى قرية في نجران وحصل
عليهم حادث وتوفي رحمه الله ..




راشد بن حسن .. كان يشتغل في شركة ارامكوا السعوديه .. وكان يملك سيارة الشركه ( جمس ارامكوا ) ..

وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..

حتى اشتهر عند البدوان .. لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ..

ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..

جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) .. كان مشغول ومتأخر على الدوام شوي ..

وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..

يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..

قالت له العجوز .. خلاص رح الله يستر عليك يا ولدي ..

انا جالسه هنا انتظر ( ابن الذيب ) ..

هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه ( ابن الذيب ) .. هو نفسه اللي هي تكلمه ..

يوم انصدم ( راشد بن حسن ) بقولها .. وتعجب !!

قال اركبي يا خاله انا ( ابن الذيب ) وابشري بعزك ..

ابوصلك انتي وغنمك ..

وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟

حتى وصل علم .. لشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..

وصل العجوز إلى منصاها والمكان اللي تبيه ..



وقال هذى القصيده ..






قالها إبن الذيب من هاجوس باله=كلمةٍ يلعب بها والبال زيني
قالها يومه طراله ما طراله=من هواجيسٍ تشيب لمرضعيني
غرّني بعض الرجال بكثر ماله=مادرى إن الموت في حبل الوتيني
كيف ينفعني وبعض الناس خاله=ما يدوم البيت كان الساس طيني
ماش وين اللي عوايده الشكاله=مثل إبن ظافر حمد ليته يجيني
الثنا والجود دايم في خياله=علّمه ظافر سلوم الطيّبيني
جوّد العليا ولزّمها عياله=وأدركوا من علمته دنيا وديني
واهني من باع حظّه وإشتراله=سار في درب النبي وأخزا اللعيني
موقفه ما كل رجّالٍ يناله=ومن بغا ممشاه يقعد مرّتيني
وكم ذبح من حايلٍ من حر ماله=وعادته لطمة خشوم العايليني
حالفٍ ماخذ على الطرقي رياله=وبالثلاث محرّم إنها ما تجيني
لا لقيت اللي على السكّه لحاله=يلتفت ويقول : وين المستحيني
أوقف الموتر حيا وأبغا الجماله=يوم ولد اللاش وجهه ما يليني
والطمع في كرّوة الرجلي رذاله=خصّ به وإن جا مجال الغانميني
والردي في حالةٍ ماهيب حاله=يا عوينه من كلام الطيّبيني
الولد وإن طاب قالوا : من خواله=بالخوال يسال قبل الوالديني
وأركبه لعيون من زينٍ دلاله=ما تحاكوا في قفاه الرامسيني
ما بغى غيري وأنا مابغا بداله=قاعدٍ لي بالرجا مدّة سنيني
ما قعدنا فالعمل نبغا الرزاله=ناخذ العليا طريق الفايزيني
وأشرب الفنجال وأكب البياله=تابعٍ سلمي سلوم الأوليني


وقد رد عليه دوسري

بقصيدته التي يقول فيها:


راكب اللي لا مشى تومي حباله
.........................لا نوى له ديرة (ن) جاها بحيني
انص خر الذيب عندي له رساله
................................عندنا مثله ربوع طيبيني
عندنا ابن حسين يفعل ما طرى له
.........................يركب الطرقي وهيف للسميني
كم نقل له خبرة (ن) من حرّ ماله
...........................لا لقاهم في الخلا متعطليني
ضوّهم ضوّه ودلتهم دلاله
......................شوف عيني واشهدوا يا حاضريني
جعل يفداه الردي راعي البياله
.......................شارب الشاهي وربعه جالسيني



ابن مصاول: المقدمه منقوله اما القصيدة فقد عدلتها بنفسي ورد الدوسري فهو من إظافاتي

سلطان القحم
14 - 06 - 07, 05:35 AM
وأشرب الفنجال وأكـب البيالـه تابـعٍ سلمـي سلـوم الأولينـي

يعطيك العافيه على هالقصه والقصيده للابن الذيب ..
ويرحم الشاعر / راشد بن حسن بن مانع بن رحيان الضاعني ..
وتسلم انأملك على هالنقل الراااااااااااائع يأبن مصاول ..
تقبل مروري واحترامي ..
سلطان الميزاني.

ابو سعران المريخي
14 - 06 - 07, 02:31 PM
يعطيك العافيه على الموضوع

أبن مصاول
16 - 06 - 07, 04:45 AM
أخوي سلطان كل ما أنقله لكم يعتبر شئ قليل في مداد بحر عطائكم المستمر لهذا المنتدى....تقبل شكري وتقديري لمرورك

أبن مصاول

أبن مصاول
16 - 06 - 07, 04:46 AM
يعطيك العافيه على الموضوع

ومن قال معافا أخوي أبوسعران ...تقبل شكري ودمت بعز

عبدالوهاب المهلكي
23 - 10 - 07, 05:16 PM
مشكورا شكرا جزيل يابن مصاول الحلو

أبن مصاول
23 - 10 - 07, 11:38 PM
حياك اخوي عبدالوهاب وسرني مرورك

أبن مصاول

ذيب الروسان
28 - 10 - 07, 11:29 PM
يـعـطيـك الـعـآفيـه يآبـن مصآول ع هآلقصـآيـد وع الاضـآفـآت تسلـمـ ومـآقصـرت ورحـم اللـه آمـوـت الـمـسلـمين....

أبن مصاول
29 - 10 - 07, 02:55 AM
ومن قال ماعافا أخوي ذيب الروسان وقد سرني مرورك .....

أبن مصاول

شديد القحم
24 - 12 - 07, 07:48 AM
يعطيك العافيه صح لسانك وصح لسان الشاعرين
ويسلم يمنيك على القصه الرائعه

المستعجل
27 - 12 - 07, 03:55 AM
قصيدة خالده لخر الذيب ورد جميل من الدوسري , تقبل مروري

أبن مصاول
28 - 12 - 07, 09:10 AM
أشكر لك مرورك يالمستعجل...وخر الذيب أو (راشد العجمي) هو أبو الشاعر محمد العجمي أو ما يطلق عليه تحسينناً ووولد الذيب

أبن مصاول

صـقـر الـمـوازيـن
30 - 12 - 07, 02:17 PM
سلمت لنا هذهـ

الحروف الطاره

المغلفه بعبق الورود

ولاحرمناااا روعة اسلوبك

تحياتي لك ,’"

اخوك :- صـقـر الـمـوازيـن

وائل الميزاني
03 - 01 - 08, 08:15 AM
يعطيك الف عافية اخوي ابن مصاول

العسكر
25 - 01 - 08, 02:41 PM
اود انك ترجع الى جريدة الجزيرة يوم الجمعه التاريخ 15/1/1429هـ وتشوف منهو الشاعر
كتب - المحرر

زودنا الأخ بدر محمد الأسعدي العتيبي بقصيدة الشاعر الكبير راشد بن خر الذيب العجمي - رحمه الله - والتي أورد الأخ إبراهيم محمد الحقيل ثلاثة أبيات منها وهذا نص رسالة بدر العتيبي:

لقد اطلعت على مقال الأخ العزيز إبراهيم محمد الحقيل يوم الجمعة 10 محرم الذي هو بعنوان:

(البدوي) الذي انحاز لكرمه

أوصل (العبرية) بالمجان.. وفقد وظيفته وكتب للتاريخ قصيدة

وهي كما ذكر المحرر أنها للشاعر الكبير راشد بن خر الذيب العجمي -رحمه الله.وكذلك كما أورد الأخ صاحب المقال تفاصيل القصة.لكن من المعروف أن هنالك اختلافاً للرواة في البيت المشهور وهو:

والولد وإن طاب طيبه من خواله

وان تردى أعرف انهم خايبيني

وهذا أكثر ما يذهب إليه كبار السن ومتشددون ومتمسكون في رواية هذا البيت هكذا. ولقد سمعتها بنفسي منهم.

لكن في السنين الأخيرة ظهرت رواية أخرى (تصحيح للبيت) انتشرت عند الجميع وذكرها أحد الرواة في أحد الأشرطة الشعرية وقال إنه أخذها من صاحب القصيدة.

والتصحيح هو:

الولد وإن طاب قالوا: من خواله

بالخوال يسال قبل الوالديني

والقصيدة هي:

قالها ابن الذيب من هاجوس باله

كلمة يلعب بها والبال زيني

قالها يومه طواله ما طراله

من هواجيس تشيب المرضعيني

غرني بعض الرجال بكثر ماله

مادرى إن الموت في حبل الوتيني

كيف ينفعني وبعض الناس خاله

ما يدوم البيت كان الساس طيني

ماش وين اللي عوايده الشكاله

مثل ابن ظافر حمد ليته يجيني

الثنا والجود دايم في خياله

علمه ظافر سلوم الطيبيني

جوّد العليا ولزمها عياله

وأدركوا من علمته دنيا وديني

واهني من باع حظه واشتراله

سار في درب النبي وأخزا اللعيني

موقفه ماكل رجالٍ يناله

ومن بغا ممشاه يقعد مرتيني

وكم ذبح من حايل من حر ماله

وعادته لطمة خشوم لعايليني

حالفٍ ماخذ على الطرقي رياله

وبالثلاث محرّم إنها ما تجيني

لا لقيت اللي على السكّه لحاله

يلتفت ويقول: وين المستحيني

أوقف الموتر حيا وأبغا الجماله

يوم ولد اللاش وجهه ما يليني

والطمع في كرّوة الرجلي رذاله

خصّ به وإن جا مجال الغانميني

والردي في حالةٍ ماهيب حاله

يا عوينه من كلام الطيبيني

الولد وإن طاب قالوا: من خواله

بالخوال يسال قبل الوالديني

وأركبه لعيون من زين دلاله

ما تحاكوا في قفاه الرامسيني

ما بغى غيري وأنا مابغا بداله

قاعدٍ لي بالرجا مدّة سنيني

ما قعدنا فالعمل نبغا الرزاله

ناخذ العليا طريق الفايزيني

وأشرب الفنجال وأكب البياله

تابع سلمي سلوم الأوليني

أبن مصاول
25 - 01 - 08, 02:57 PM
حياك يالعسكر ونعم قد قابلت أناس من العجمان وقد رووها كما نقلت انت وأشكر لك تعقيبك ونقلك من صحيفة الجزيرة مع أن ليس كل ما يكتب في الصحيفة نأخذ به 100% فالصحيفة ينطبق عليها قول المصارية أحياناً (كلام جرايد)

أبن مصاول

نواف ابويديه
25 - 01 - 08, 06:08 PM
يعطيك العافيه ياابن مصاول وتسلم يمناك