المساعد الشخصي الرقمي

مشاهدة النسخة كاملة : وكالة الاحوال المدني بالرياض


غفل
24 - 12 - 11, 07:57 AM
السلام عليكم ورحمة الله وبركاته انا شاب سعودي الجنسية وابلغ من العمر 24 سنة ولدت في دولة السنغال
علشان الوالد كان يشتغل في وزارة الخارجية وكان الوالد دائما يتنقل من دوله الي اخره علشان وظيفته المهم رجعنا المملكة العربية السعودية واستقال الوالد من العمل علشان العائلة صارت كبيرا وماكان يقدر ياخذنا معه في كل سفره وعلشان صار لازم ندخل المدرسة ولازم نستقر في مكان المهم الوالد راح وزارة الخارجية وسلم كل الجوازات حقتنا من غير ماياخذ صور منها المهم دخلت المدرسة ولمن كبرت وصرت في المتوسطة طلبت المدرسة اني اطلع بطاقة احوال ولمن راحت انا والوالد علشان يخرجلي بطاقة قالوا
لازم تعطينها الجواز حقوا علشان نعرف متي دخلتوا السعودية المهم طبع الوالد ماكان عنده الجواز ولا صوره منه قالوا لازم طبع الوالد قلهم عندو شهادة الميلاد قالوا ماتكفي لاززم نعرف متي دخلتوا المملكة المهم مرت السنين والوالد طفش من كثر مايراجعهم وماقدر يضمني في كرت العائلة وتوفي الوالد وراحت انا وراجعت الاحوال وطلبوا مني شهادة الميلاد وشهود وغير كذا ورقة من العمدة اعطيتهم كل الاوراق واخذو الاوراق كله واعطوني ورقة مراجعة ولمن رجعتهم قالولي راحت الوكالة بالرياض حقت الاحوال راجعهم هناك وراحت اكثر من مره ومافي فايده كل مره يصرفوني ويقول لسه ماخلصت ودحين لي 3سنين وانا راجعهم ونفس الكلام ورسلت برقية للملك ومافي فايدها وجبت ورقة من الامير ممدوح وكمان مافي فايده وانا دحين عايش مجهول هوية وانا في بلدي مع العلم انو اخواني كلهم عندهم بطايق احوال الا انا علشان الوالد ماضمني في كرت العائلة ولي اكثر من 7 سنوات على هذا الحال مابين جده والرياض لا انا قادر اشتغل ولا قدرت اكمل تعليمي ولا قادر اتزوج حتي المستشفي مااقدر ادخله وانا ماعندي بطاقة احوال هذا كله بسبب الاحوال المدني والوكالة بالرياض كتبت موضوعي هذا علشان ابغاكم تساعدوني في حل لمشكلتي الله يخليكم اللي يعرف احد مسئول كبيرا يدلني عليه او تقدرو توصلوا موضوعي لاحد المسئولين الا الكبار علشان كل ماجيت ابغا ادخل علي احد مهنم قالوا ممنوع ماعندك بطاقة ارسل برقية والبرقية مافادتني في شي وهذا كله اهمال من الوكالة بالرياض 3سنين اوراقي عندهم لسة ماخلصت على كلامهم وانا ابن البلد وسعودي الجنسية اب عن جد ارجو المساعدة منكم في حل مشكلتي هذي ضروري جدا انا في حال مايعلم في الا الله وجزاكم الله خير