فياض الطيب

[سالم رباح]

اطلعت على محاورة له واعجبت بمستواه وهذه محاولة للمحاورة معه :





عد براق السماء وأعداد ماتمطر حقوقه = مرحبا في مرحبا والجم موردها زلالي
طرقتك طرقه وشفت ابليس يضحك مع شدوقه = يوم حدتك الليال السود يم أهل الدلالي

[أبن مصاول]

صح لسانك يا سالم ومنتظرين فياض الطيب ..وترونا في الصفوف


طرقتك طرقه وشفت ابليس يضحك مع شدوقه=يوم حدتك الليال السـود يـم أهـل الدلالـي
بحر طويل جميل

[عبدالمجيد الظويفري]

عذرا على الإطاله

البقا باللي يرحب من مشاعر نبع شوقه .’. عد ماهب الهوا والأرض ترسي بالجبالي

طرقتي طرقة ومن مثلي ترى ماحدن يعوقه .’. مايلد العين يم الزين يطمح بالعلالي

[أبن مصاول]

صح لسانك يا فياض واهلاً وسهلاً بك

وترونا متابعين المحاورة وننتظر سالم

[سالم رباح]

لاهنت ياابو ضيف الله على المرور .

وافي ومجمل .

[سالم رباح]

استلم يابن عباد


انت يومنك تنحرت الجبل وش شفت فوقه = لاتفتش في مخابيها حرام ولا حلالي
للرجال أهل الوفا تقدير ماحلت وثوقه = والحياه اربع سنين وعقبها ضاق المجالي

[عبدالمجيد الظويفري]

الله الله

استلللم
الجبل ياللي تقوله طاح والسبه عروقه .’. غشته لين إرتفع لكن ماجله ظلالي

علتك يابن رباح النفس بالغيض محروقه .’. من بغا الحاجه لقاها خل عنك أم العيالي

[سالم رباح]

استلم الرد



السحاب اللي رجيته يوم تبرق لي بروقه = ليتني ماشفت ضوه يوم ضربّها السهالي

المحاكم قفلت والمتهم في وسط سوقه = انتهت في مبتداها ....يومها ياهملالي

[أبن مصاول]

الله ...الله ...وش هالمعاني .الله

متابعين


متابعين يا سالم انت و عبدالمجيد

[عبدالمجيد الظويفري]

راعي الشحرة علامه ليه ماتثمر عذوقه .’. باقين له عدة أيامن وياتيه الزوالي

هب يالقاضي يبوق الحق قدامي يبوقه .’. مايضيع الحق والطلاب يسعاله ليالي

[أبن مصاول]

الله ..الله

و سالم من اليوم ما خلا ولا ورقه ما قطعها كل ما كتب بيتين قطع الورقه ....

يقول: لا..لا..لا المعنى مكشوف ما يصير كذا ههههههههههههه

[سالم رباح]

استلم ياابن عباد .




البلا .. ياعيال شاطر .. ثوبكم بانت فتوقه = لو نصحيها , تعوّد ميته في كل حالي

أول المشوار طيّب .. وآخره ... سديت موقه = والجبل فوقه بنات الريم تلعب ليل لالي

[راس الضلع]

الله الله .. متابع ..................

[سالم رباح]

الله ...الله ...وش هالمعاني .الله

متابعين


متابعين يا سالم انت و عبدالمجيد


تشرف متابعتك ياابو ضيف الله .

[سالم رباح]

الله الله .. متابع ..................

تشرف متابعتك ياابو احمد

[عبدالمجيد الظويفري]

الله الله

ماتشوف العود أبو سته ولا تعرف فروقه .’. أنت تجرحها ولكن الدوا من حر مالي

ليه أبوك العود يالطيب تمادى في عقوقه .’. أول المشوار قطرة واخره مجراه سالي

[سالم رباح]

هذا المحاورة كاملة بعد اختفاء الابيات بسبب مشكلة تنسيق القصائد أرجوا اعادتها في الردود الأصلية



سالم :

عد براق السماء وأعداد ماتمطر حقوقه = مرحبا في مرحبا والجم موردها زلالي

طرقتك طرقه وشفت ابليس يضحك مع شدوقه = يوم حدتك الليال السود يم أهل الدلالي

فياض الطيب :

البقا باللي يرحب من مشاعر نبع شوقه .’. عد ماهب الهوا والأرض ترسي بالجبالي

طرقتي طرقة ومن مثلي ترى ماحدن يعوقه .’. مايلد العين يم الزين يطمح بالعلالي

سالم :

انت يومنك تنحرت الجبل وش شفت فوقه = لاتفتش في مخابيها حرام ولا حلالي

لرجال أهل الوفا تقدير ماحلت وثوقه = والحياه اربع سنين وعقبها ضاق المجالي


فياض الطيب :

الجبل ياللي تقوله طاح والسبه عروقه .’. غشته لين إرتفع لكن ماجله ظلالي

علتك يابن رباح النفس بالغيض محروقه .’. من بغا الحاجه لقاها خل عنك أم العيالي


سالم :

السحاب اللي رجيته يوم لاحت لي بروقه = ليتني ماشفت ضوحه يوم ضربّها السهالي

المحاكم قفلت والمتهم في وسط سوقه = انتهت من مبتداها . يومها ,, ياهملالي


فياض الطيب :

راعي الشجرة علامه ليه ماتثمر عذوقه .’. باقين له عدة أيامن وياتيه الزوالي

هب يالقاضي يبوق الحق قدامي يبوقه .’. مايضيع الحق والطلاب يسعاله ليالي


سالم :

البلا .. ياعيال شاطر .. ثوبكم بانت فتوقه = لو نصحيها , تعوّد ميته في كل حالي

أول المشوار طيّب .. وآخره ... سديت موقه = والجبل فوقه بنات الريم تلعب ليل لالي


فياض الطيب :

ماتشوف العود أبو سته ولا تعرف فروقه .’. أنت تجرحها ولكن الدوا من حر مالي

ليه أبوك العود يالطيب تمادى في عقوقه .’. أول المشوار قطرة واخره مجراه سالي