خلــــــــــــــــــــــــــــــــــــــــوها ..اقرب شاعر [الأرشيف]

منوخ الشعار

14 - 09 - 08, 06:31 AM

السلام عليكم ....................
اقرب شاعر متمكن يقلط للملعبه................

سلامي سلام(ن) فيه رجه مهو مضبوط=سلام يرج الي يفكر يخربطبه
انا شاعر(ن) فكري محنك ماني خربوط= ومن مارضى يلقى جبل ثم يقرطبه

منوخ الشعار......................

ريم الموازين

15 - 09 - 08, 12:26 AM

يامرحبا ترحيبة كادي ومسك مخلوط

بالشاعر الي كل مالاقى بيت يشبطبه

خل الحكي ونظم الشعر مضبوط

قدامك بنتآ تنظم الشعر وتفننبه

تقبل محاولتي اخوي

<< عليمية شعر ^_^

راس الضلع

15 - 09 - 08, 01:50 AM

يامرحبا ترحيبة كادي ومسك مخلوط

بالشاعر الي كل مالاقى بيت يشبطبه

خل الحكي ونظم الشعر مضبوط

قدامك بنتآ تنظم الشعر وتفننبه

تقبل محاولتي اخوي

<< عليمية شعر ^_^

ماشاء الله عليك ريـــــم مطير . لا فيك رجاء هههه

اسمع يا منوخ الشعار هذه القصيده من بنات المنتدى . اجل وشلون لويجوك رجاجيل المنتدى خخخخ

منوخ الشعار

15 - 09 - 08, 02:06 AM

الله..... الله
استلموا الرد...................

الا يالبنيه ما لنظم البيوت شروط=وانا شاعر (ن) ارفع قبيلي وامحطبه
هذي ريم منوه واحد(ن) كن فيه شبوط=تدور على ظلع طويل وتبنطبه

راس الضلع تراي رحوم على الجنس الناعم. هههه

قبلوا المرور................ منوخ الشعار .....والشاعرات هههه

عبدالرحمن بن غلاب الميزاني

15 - 09 - 08, 02:20 AM

الليل الليل
عاشوووووووووووو
خلووووووووووههها
شلووووووووووووووها

انا ماسك صف ريم

اقعد فيها يامنوخ ماعندك صفوف هههههههههه

منوخ الشعار

15 - 09 - 08, 02:27 AM

ابن غلاب انا صفوفي من الجن ماتشوفونهم .....

...............تقبل مروري ..... منوخ الشعار

ريم الموازين

15 - 09 - 08, 02:32 AM

<< تقول الله يكفينا شر الجن ههههههههه

وستلم يامنوخ الشعار

انتبه يالشاعر المتهور الشخبوط
ابيوتي ترفع المؤشر وتهبطبه
وانااخت الي لهم بالمرجله شوط
وبنت شيخن ربعه وافعاله تفخربه

الشلاحي 503

15 - 09 - 08, 03:21 AM

صح لساان الشعراء واااااااااصلو متابعين

الشلاحي 503

منوخ الشعار

15 - 09 - 08, 03:21 AM

.................الليل الليل ..
استلموا الرد...............

انا لالفتني حروف ادون عليها نقـــوط =ولا اقول هرج(ن) مااحرزه واتورطبه
وانا خابر(ن) اصلك ولا رسم تحته خطوط=لاكن من يجيب الحبل لازم يربطبه

تقبلوا مروري...............منوخ الشعار

ماجد الميزاني

15 - 09 - 08, 03:33 AM

صح لسانك........
اسم الشريط اللي بينزل بالسوق

وانا المخرج والمصور لهذه الملعبه

تقبلوا مروري......

ماجد الميزاني

منوخ الشعار

15 - 09 - 08, 03:41 AM

صح بدنك ياماجد.........
................... ننتظر رد ريم مطير

منوخ الشعار

ريم الموازين

15 - 09 - 08, 03:55 AM

لاترسم الحروف ولاتحط عليها شخوط
والهرج سوق ومن نزل به تخيربه
اسمع كلامي وفهمه يالشاعرالمضغوط
الي ماهو قد نظم الشعر يشرقبه

وصومو تصحو :022:

وصح لسانك اخوي ولاهانو اخواني

<< معتزله الشعر ورجعتها له :0021:

وفالك المليون اخوي :009:

دمتم بخير :eh_s(1):

منوخ الشعار

15 - 09 - 08, 04:15 AM

صح لسانك ريم مطير واستلمي..........

انا لا لفاني خصم روح وهو مقفوط=وسوق الكلام المبدئي ماتشرطبه
يملي عليه مارد(ن) للعدو صعوط= يبين معي في لوح فكري واشخبطبه

الله لايهينك ياريم...........

وشكرا للخوان الي ماسكين الصفوف ...

تقبلوا مروري ........... منوخ الشعار

أبن مصاول

15 - 09 - 08, 06:58 AM

مشكورين جميعاً وقد استمتعت بالمحاورة التي أظهرت لنا شاعره لها مستقبل في شعر القلطه..

أعذروني لأنني ما تمكنت من المتابعه لأنني كنت اغط في سبات عميق ههههههههههههه وفالكم جميعاً الشعر الجزل .

ولأخوي منوخ الشعار أشكره على هذا الحضور الطيب والأريحيه الممتازه.

تقبلوا مروري أبن مصاول

منوخ الشعار

16 - 09 - 08, 03:56 AM

ابن مصاول شكرا على المرور ومتابعتك للمحاوره .......

تقبل مروري......... منوخ الشعار

محمد الصعيبي

01 - 02 - 09, 11:44 AM

هههههههه والله محاورة رائعة هههههههههه

راس الضلع

01 - 02 - 09, 01:08 PM

عجلوا علينا يا منوخ الشعار انت والشاعره ريم مطير

ريم ترانا حاطين الثقه فيك < يله ياجبل مايهزك ريح يله

ريم الموازين

01 - 02 - 09, 07:25 PM

ان شاءالله اخوي اكون عند ثقتكم ^_^
هذي المحااوره كانت برمضان وانتهت
الا اذا جا اخوي منوخ الشعار كملناها