السلام عليكم ورحمة الله وبركاته

حبيب
سلام بقاف للعراف مطوي مثل طي البير=وطي البير يحفضها مايدفنها على ماها
أنا شاعر ولي وجهة نظر وحده فقط لاغير =أقول الشعر غبه من طفح عنها تعداها
عبدالله
هلا يامرحبا ترحيب يسبح في بحر ويطير=يحل من الدير اللي حبيب ماتحلاها
كلامك مايتعبني بسيط ولايبا تفكير=ابا اكتبلك حروف منقطه بسطور ومحاها
حبيب
والا ياطير يالي مايشوفك غير جن مطير=متى تلقى الطيور اللي مخاليبك تعشاها
ياعبدالله هداك الله تراك بخير وانا بخير=لاكن الرجل يتعب في لزومه لين يلقاها
عبدالله
أقول انك واشك انك تبيع الاجر بالتأجير =وهاذي عدها يالعازمي وانا اتعداها
أبو سبعة كفر يمشي ولاهو مثل ابوجنزير=ابوجنزير يسرف فالجبال اليا تولاها
حبيب
أنا مانيب مثل اللي يقولون الذهب قصدير=وخو مره على الجره لاكحلها ولا عماها
لون الذيب يمشي لين يصدم في جبال النير=مصيبة قوم صالح ناقة الله وسقياها
عبدالله
أنا ماقول فيك اطقوق لاقاصر ولاتقصير=ليا ضيعتلك حاجه بعد شهرين تلقاها
من اللي يحسبن الخمروالميسر لحم خنزير=والارض وماطحاها من ضحاها الليل يغشاها
حبيب
ليا طاب المريض من المرض وش حاجة التقرير=نهاية علته يومن ربي يسر ادواها
عطاك الله من هموم الليال السود حمل بعير=وحدتك الجمال اللي هديرك ضاع فرغاها
عبدالله
سمت انك عميل(ن)تدعم الارهاب والتفجير=من اللي كنت تنفض راسها وتحك علباها
ولاكن النادم ماعليه ان المصير يصير=وتطهير النفوس احسان نيتها وتقواها
حبيب
كمنك قد قضيت اسبوع في كابل وفي كشمير=وحالق لحيتك وتعير العربان بلحاها
ولا يالزير سالم ليت مثلك لونص الزير=علشان العرب تعرف عصاها اللي تعصاها
عبدالله
ولا يالعازمي مسرع ومتهور بدون انبير =ولا يازينها لو القدور البيض بغطاها
أكل مفرودها سبع الخلا وازرت ترام الضير=ولاندري من اللي عندها ويروح ماجاها
حبيب
أناخابرك ماتسرع ولاكنك عكست السير=وجتك النجده اللي يقبس ادناهامع اقصاها

السلام عليكم ورحمه الله وبركاته




مشكور اخوي سلطان على نقل هالمحاوره الراااااااااااااااااااااااائعه




مع تحياتي اخوووووك سعود الميزاني

يعطيك العافيه على المحاوره

صح لسان الشاعرين
تسلم اخوي سلطان الميزاني على النقل الرائع
جهد يشكر عليه

/
\

دمت بخير

الله اكبر .. الله اكبر

هذه من افضل المحاورات اللتي سمعتها وقرأتها



صح الله لسان شعارها ويمين ناقلها

السلام عليكم ورحمه الله وبركاته




مشكور اخوي سلطان على نقل هالمحاوره الراااااااااااااااااااااااائعه




مع تحياتي اخوووووك سعود الميزاني



اسعدني مرورك العطر اخوي سعود الميزاني ..

يعطيك العافيه على المحاوره

الله يعافيك اخوي ابو سعران المريخي .. شكراً لك على مرورك .. سلطان الميزاني.

صح لسان الشاعرين
تسلم اخوي سلطان الميزاني على النقل الرائع
جهد يشكر عليه

/
\

دمت بخير

سرني مرورك وتعليقك اخوي محمد الميزاني ..

ويمينك اخوي الحمد لله اني مطيري .. سرني مرورك ياغالي .. سلطان الميزاني.

من أجمل النقض عندما نقض الفذ سوار الذهب بيت حبيب العازمي

يقول العازمي


انا مانيب مثل اللي يقولون الذهب قصدير = واخو مره على الجره لاكحلها ولا اعماها


بيت حبيب مدح فيث شطره الأول عندما يقول انا لست مثل اللي يقولون ان سوار الذهب قصدير اي شاعر وهمي فانا اعترف أنك لست قصدير بل ذهب .

لكن في بيته شطره الثاني يعود فورا لدس السم في العسل فيقول ( انت على الجره لا انت مضيع ولا انت مدل يعني وسط , لم تعمي العين ولم تكحلها وهذا يعني انك بين بين ) .


ينقضه سوار الذهب بروعة غير مستغربة منه .

مدح في الشطر الاول ( وانا مااقول فيك طقوق لا قاصر ولا تقصير )

عودة مثلما عاد حبيب لدس السم في العسل وهذا مايصح ان يقال انه نقض البيت فقال سوار الذهب فورا ( الليا ضيعت لك حاجة بعد شهرين تلقاها ) .

هكذا يكون النقض .


رحم الله ايام سوار الذهب ليته يعود .

شكراًُ لك على مرورك اخوي سالم بن رباح وتعليقك الرائع لكبار شعراء المحاوره حبيب وعبدالله الميزاني . .

سلطان الميزاني.

يعطيك الف عافية اخوي سلطان

أنا مانيب مثل اللي يقولون الذهب قصدير=وخو مره على الجره لاكحلها ولا عماها
لون الذيب يمشي لين يصدم في جبال النير=مصيبة قوم صالح ناقة الله وسقياها



صح لسان الشاعر
وايضا صح لسانك ويمينك على نقلك لمحاوره الشعريه

شكراًُ لكم على مروركم الجميل اخوي وائل الميزاني واخوي شديد الميزاني ..

سلطان الميزاني.

لا هنــت يـابو عبـــدالله علـى المحـــاورهـ الجميـله....

يسلمووووووووووووووو اخوي سلطان الميزاني ويسلم ابوعابد

حياك اختي غلا الميزاني وليتك تشرفينا في الظيافة لتقوم بالازم
http://www.almizany.com/forumdisplay.php?f=2
أخوك ابن مصاول

صح لسان الشاعر سوار الذهب
يسلم يمناك لا عدمناك سلطان على نقلك محاورة لعبدالله بن غازي

يسلموا اخوي سلطان على المحاوره

صح لسان سوار الذهب وصح لسان حبيب العازمي

تقبل مروري وودي

عبدالله الميزاني شاعر مبدع ومميز .. ويعجبني اسلوبه

لكن مشكلة عبدالله انه ما اعطى المحاوره اهتمام لذلك نجده مقل في الحضور في ساحاتها .

هنا محاوره رائعه بين عبدالله وحبيب وهذا ما تعودناه منهم


سلطان الميزاني يعطيك العافيه





الديري